Posted by: readandeat | May 7, 2008

師奶要有白花油?

白花油總給人很「師奶」的感覺,是上一代師奶的傍身之物。身體有什麼不適,馬上用幾滴,可以塗在鼻與唇之間,也可以塗在太陽穴,有時肚痛也可以塗在肚皮上。

白花油是「和興白花油」的簡稱,原名叫「萬應白花油」,名符其實,真的萬試萬靈。可惜,當時香港政府認為這牌子名稱有失實之嫌,所以才改了名。

白花油的主要成份中有冬青油(wintergreen oil),化學名是水楊酸甲酯(Methyl Salicilate,C6H4(HO)COOCH3),功用類似阿斯匹靈,是一種外用抗炎止痛藥。醫學界指出,小朋友如果服用冬青油,4ml可致命。不過,4ml差不多是要喝下整瓶白花油(最小號裝是5ml)了。【註】那麼難喝,喝得下一瓶也可算作「意外」吧?

說到冬青油那麼恐怖,其實冬青油也是一種香油,屬於酯類有機物(organic ester)。以前,冬青油是天然煉製的,現在可以在實驗室合成。中學上化學課,老師就曾教我們用acid和alcohol混合,然後製成帶有香氣的酯。

看了白花油的網誌,感覺很年輕化。雖然我是新一代的師奶,但是,沒有買過白花油。你呢?

【註】曾在網上看到有人引中大某教授說兒童喝下五茶匙冬青油會致命之說。一茶匙等於5ml,五茶匙是25ml,即是要吞下幾瓶白花油?一個家庭,正常而言,不會儲存幾瓶白花油吧。我猜是記者筆誤。

del.icio.us Tags:
Technorati Tags:

Responses

敢做敢認, 當年出國留學我就有帶白花油徬身; 那年才十多歲, 註定有師奶潛質. 好像最終沒用過, 但心理上好像較安心.

冬青油是可以致命的. 去年就美國有位少女運動員過量使用 BenGay 中冬青油毒身亡.

詳情請看這裡:Teen Athlete’s Death Caused by Sports Cream

馮師奶:

果然是敢作敢為的師奶﹗敬佩敬佩。

那宗長島運動員因冬青油致命的新聞我也看過。據法醫官說,死者體內所含冬青油超標幾倍,可能是因為她生前過量塗含冬青油的藥膏有關。醫生說這情況是極罕見的。

我不想提這單新聞,是因為不想嚇親大家。

我從小就用白花油,到現在還在家中放備。

小時吃過不止一次白花油,不是誤服的;不過,真的很難吃。

來過人:

我發覺這個新博很啱你喎。 :)

我屋企冇白花油。
通常都係分類買止痛藥、咳藥、胃藥、酒精、喉糖、紅藥水…

原來我唔夠來過人師奶。 :wink:

我覺得均隆驅風油好用得多!

個女細個時肚仔痛要搽…
一路搽一路唸: Ma li ma li home … 肚仔唔再痛…

已經好多年冇玩哩個遊戲, 但我重keep住一小支喺手袋. :-)

讀食/amo:

你們知道嗎,讀書人一度給人叫做臭老九;你地係C9,我算係L9,都係9;雖然係臭。

amo,你家中好似係藥房,做你鄰居都唔錯喎,有好野食之外,仲有咁多藥可隨時借用,冇死囉~~~~

白花油好用呀。我有用又有帶的 :D 不過,很多時帶了無用,冇帶時又有需要,唉。

不知冬青油是什麼啊。

這一句只是想試吓個 icon :P

係 wo,同一個icon,六足師奶,好玩 :D

amo:

我以前老家有驅風油和紅、藍藥水、跌打酒。現在則頗齊全,基本上什麼小毛病的藥也有。不過,就是沒有白花油和其他……(忽然想不到怎形容那些驅風油、湯火膏,難道叫漢藥?)

來過人:

99?哈,難怪這裡那麼啱你啦。

michelle:

我希望你不用用它。

冬青油,只能外用,內服會致命的。

這個不是六足呀﹗﹗

你看清楚,是頭頂有觸角,兩隻手伸開,下面兩支是腳。好似棵聖誕樹。 :)

我用過均隆驅風油… :P
特別是在香港經常用,因為我暈車暈船… 甚麼都暈…
不過到了這裏,不必用了… 可能路直。

來過人:

readandeat讀書都唔少;
佢開得呢個blog,咪一樣認係師奶。

你唔使咁多藉口;
讀書人可以做師奶,師奶亦可以係讀書人。
你做得師奶,就要有膽認。

Joanalist:

這裡路很不平,試過坐巴士去波士頓,臨到達時幾乎想吐,回程時不敢再坐,將車票送了給朋友,改坐火車。

amo:

大家不用爭了。我最師奶,今年師奶大奬一定我攞硬。哈哈﹗

我唔少得呀,由細到大亞媽幫妳擦到大,蚊咬、肚痛、頭痛、經痛都係擦呢類嘢,正真攻用不得而知,但心裹作用是肯定的。

莫太:

我小時候反而塗驅風油多。肚痛、頭痛塗一點已有效。

莫太:

我小時候反而塗驅風油多。肚痛、頭痛塗一點已有效。

readandeat:

你係blog主,呢度認師奶,梗係你最大。
我邊敢同你爭?

我淨係想幫來過人正名咋。
佢明明係師奶一名,又想認,又想唔認,咁婆媽。
梗係鼓勵佢認啦。
名不正則言不順吖嗎!古有明訓呀。
來過人係才子,當然要遵古訓啦。

p.s.
亞洲電視有個婦女節目喺晚飯時間播,真係叫《師奶我最大》。

amo ﹕

你地呢班師奶個個都咁大(老?呵呵呵~),我一認自己係師奶,仲邊有地方企呀?我只認婆媽算了。

從來中外古今稱得上才子的,都不會又不愛守成規的,什麼古訓,知道就算啦,遵守就……哈哈哈。

來過人:

負心最是讀書人係咪古訓?
你都認咗自己最負心咯。
即係話口裏面唔認,其實行為做咗出嚟。
正如你明明係師奶,又只肯認婆媽一樣。

amo :

抄下書先。

古訓﹕

1. 可為後世師法準則的古語。

2. 先王的遺典。

「負心最是讀書人」是古訓,大概會「死得人多」了。你不識我不迷我,可謂執番一身彩,真係還得神落囉~~

來過人:

都話你係才子”口架”啦。
「古訓」定義都有得抄書?真係服咗你。
我開始懷疑自己唔迷你,係因為你才氣太高,
令我好有壓逼感。
話唔定你才氣減少起碼三分人,就開始會有人迷你嘞。呵呵~ :cool:
不過才氣點樣量化,然後可以證明已減少三分一,就非我所知。

至於「負心最是讀書人」,你已經認咗身體力行,
可見係「可為後世師法準則的古語」,
甚至「已為」閣下前世「師法」。
攪到「死得人多」,視為有好多人殉道可也。阿門。

amo :

嘩嘩嘩~~~

你呢段說話,給真正的才子李天命先生看到,又可以拿來「開刀」,寫上洋洋萬言了。(他大概會留給學生去做了。)

我會做的行為就「可為後世師法準則的古語」,真的是「前世」(唔修)了。

真有人為我殉過道,但獨缺了你,我點都覺得是遺憾哩。

(再這樣肆無忌憚講下去,愛美麗讀食師奶快要將我驅出她的園地了。)

來過人:

李天命當然唔會攞我嚟開刀。
「可為後世師法準則的古語」都冇指明話幾多人。
只要你係「後世」,就算得你一個都算係後世。
其他人冇你咁偉大,唔遵古訓啫。
我講嘅準則絶對冇問題。

唔係有人為你殉道(你真開胃),係為嗰句「可為後世師法準則的古語」而殉道。

你惹上我,果然係前世唔修。
可能你真係常遵古訓,先攪成咁。呵呵 :cool:

amo:

你唔寫博啫。你寫一定很好玩。

來過人:

哈哈,你們兩個猜拳猜得好開心噃。

我有自知之明,寫blog一定悶死人。
可能淨係你會覺得有趣。
而來過人就會成日去丙我。哈哈~

amo:

哈哈。又幾好噃,橫掂佢咁得閒。

我真係寫,佢又未必咁「得閒」咯。
不過wordpress可以寫private blog,
都可以開個blog淨係畀佢入嚟丙我,然後你做和事佬。哈哈~

amo愛美麗:

我其實唔係好得閒架,見係你地,幾唔得閒都來探班啦。

都唔明點解amo成日話我鍾意( 丙 )佢。其實最嬲係果次,有靚麵係都唔請我食,到依家都未嬲完。就係咁啫。

來過人:

我冇話你鍾意丙我。
我恰得你多,有機會都要畀你丙吓我。
咁樣先平衡吖嘛。

不過我次次都忍唔住,爭取最後發言權…咁啫。

amo:

為來個人開私人網誌??

嘩,佢實開心死﹗

我都係收聲囉,費事你開唔成佢鬧我;你開咗佢唔去你又鬧我。

:razz:

我係假設咋,冇話真係要開。

來過人點會鬧你?
我無理取鬧窒佢,佢
都唔鬧我。何況佢成日都維護你?
佢最多丙我令佢產生合理預期(爭啲寫錯成「期望」),又唔履行諾言。

amo:

哈,見你們猜拳猜得咁開心。其實怕你地轉移陣地啫。

Leave a response

Your response:

Categories