我從中學開始，就經常揮剪替自己理髮。因為我一個信念：萬一出錯，最壞的打算就是去理髮店叫師父補鑊。
有了這種想法，我就更膽生毛的大剪一通。別以為我是亂來的，我是買了教人理髮的書自學的。
我用了十多年的髮剪和剃刀
後來剪完自己的頭，就去問同學讓我替她們剪髮。當然只有少數人肯冒險。我就大著膽子去幫人家剪，剪出來的效果不至於大師級，但至少是可以見人的。
現在家中多了一個無條件讓我任剪的人，我開心不已。
剪頭髮最重要的是工具：剪刀。如果想剪有層次的留海，則要花時間逐小撮的剪，但是想省點時間的，可以用剃刀削薄留海，不過有點傷頭髮的表層。切記不要削得太短，否則會豎起的。
上星期實在忍不住額前過長的頭髮了，於是手起剪落，剪了頭蔭，現在額頭和眉毛終於可見天日了。十四鎊也可以省回。
 | aiko on 編織手作52：圈圈兒童襪 |
| aiko on 編織手作三：小紅帽 |
 | Carol Chan on 有沒有人用過Noevir？ |
 | ling on 一粒眼瘡的長篇故事 |
 | winny on 度身自製護膚霜 |
| Heartland Lace Shawl… on 編織手作27：燕尾蕾絲披肩 | |
 | happyyf on 防曬傷，還要防紫外線(UV) |
 | WW on 張國榮第一首中文歌 |
 | Bqyojbmb on 兩周一聚(24)之香港二十 |
 | Helen on 用750元換便宜 |
| 中旅社回郷証申請 -網誌熱搜"中旅社回郷… on 兩周一聚(40)之出入邊境 | |
 | Judy on 戲劇人生 |
| Judy on 戲劇人生 |
 | passerby on Readandeat覆大家治眼瘡的土法 |
 | j on 給自己看的《靈珠》之道蝶剪輯 |
我無剪自己咁大膽, 但就會當必必佬佬個頭係實驗品咁剪, 幾年落黎, 而家剪小男孩頭都幾ok 架
做阿媽真係周身刀, 唔利磨到利.
經過六年無間斷用阿仔個頭實驗, 又鉸剪又電鏟, 終於一天, 老公放工第一眼睇見阿仔個頭衝口而出話: 佢個頭剪得好靚喎, 你今日帶佢去飛髮鋪黎呀?
哇哈哈~ 老公, 你幾時肯比個頭我剪?
下次你幫我剪啦!
俾左十四鎊… 而家我頭頂條條頭髮都豎起…
我剪短髮過來, 留長髮回去, 省回一年理髮錢
怒火：
我以前夠膽成個頭剪晒的，近年只是剪蔭而已。男仔頭我反而不會剪。
馮師奶：
電鏟我沒用過，我怕鏟光人地個頭。哈﹗
我老公話寧願花六元去飛髮舖都唔肯畀我剪。哼﹗
RandomCoil：
你試吓用gel，gel”行”個頭，扮型囉。
我有時冇梳頭冇洗頭上班，同事見到話：你今日個頭好型，喺邊度剪架？
dra：
我去大陸旅行時也是短髮去的，有咁短剪咁短，洗頭也慳番。
嘩！好犀利呀！您仲有D乜唔識架？
落多Ｄ gel 咪要用多Ｄ洗頭水? No way!
看來這次我比妳更膽生毛了,我連書都沒有看過,便自己亂來, 老公的頭已經由我揮刀…試過一次跟他去剪髮,個剪髮師還在說,怎麼你個頭剪到咁架,定是前手剪到你咁,老公只有說對對對…沒有揭穿是我剪…哈哈!!我雖然剪得不正中,但個style倒是接受到架!
Red Jelly：
有，太多，數住一樣先：
車衣。
RandomCoil：
咪落完要洗頭嘅咩？唔使噃，明天起身濕啲水又掂，個頭污糟都冇人知。哈哈﹗
gwen：
哈哈哈哈哈哈哈﹗不好意思，笑到唔識覆。
好驚尖嘅剪整親佢, 因小女剪髮不哭, 但頭身轉動速度甚急…
只有找專人用倔頭layer剪間中同佢修修, 其間髮長只有用夾….:)
Just Little Something：
呢把剪刀是剪我的頭髮的，幫小朋友剪時我有另一把鈍頭的，不怕整親小朋友的。我幫佢剪時，通常提按實佢個頭才剪的，尤其是留海部分。
嘩做什麼那麼像我那撇蔭？
以前找師傳，他們總就住就住，我說師傳大膽去馬啦，我要見眉呀。
現在自己剪，每次剪完都給人說像刺猬。
想問下你會幫亞包剪乜野style? 會唔會剪冬菇頭? 我覺得小女孩十個入面八個剪呢個頭都可愛到爆~ (而家興)
我都喺自己剪。反正依家出面嗰啲所謂嘅師父們，十個有八個啲手勢分分鐘好唔得過我。我唔求剪到隻雀咁靚，總之企企理理見得下人就得啦。
你好勁呀!
我真係唔敢自己剪,剪衰左, 出唔到街!
audreyma：
你可能剪得太短。
我以前試過將一頭長髮剪掉，剪成男仔頭，師父也很驚，猛問：夠唔夠短？
selina：
佢鍾意留長頭髮，其實冇乜style可言，只可在留海搞搞。你說那種冬菇頭佢至憎的。
奕：
男士也自己剪？少見喎。
臻媽：
剪錯咗咪戴頂帽出街囉。
所以我喺C9
不過又其實我有幾個男朋友都喺咁㗎喎 :p
奕：
男仔頭比較難剪。