我也寫我的運動生涯(四)

保齡球

中學時大家都去打保齡球,我當然不甘後人。我沒有學過,所以不太會打。但每次玩時,起碼不會將球推下坑道,都可以正正經經的打補中的。

我拿的球是最輕的。有一次,男同學叫我試用十三磅的。我一甩手,整個保齡球向後飛,嚇到大家魂飛魄散。

溜冰

我沒有學過溜冰,只是平時在村裡與鄰居玩滑板。只要懂得平衡,這些玩意其實都不難玩。當然要玩得好是另一個境界。

溜冰只是試過三次。一次是預科時,大伙兒說去溜冰,我於是也去。大家以為我一定會跌死,誰知我自己慢慢滑,也沒有跌下來。有一個男同學滑得很好的,他說要拖我一起滑。沒所謂,反正有他在,我肯定不會跌死。

第二次是結婚不久,老公買了一對溜冰鞋給我,叫我去溜冰。其他他不會溜的,只是看著我慢慢玩。第三次是一家人去了。我溜了兩個圈,他們仍在原地。

桌球

我完全沒有學過桌球。只覺得和康樂棋的打法差不多,我打康樂棋打得不弱的,因為小學時經常打。

出來工作後,第一次去打桌球。我一推球棍,連球也沾不上邊,球棍指向天花板,同事個個笑到人仰馬翻。

結果,傻有傻福, 大家打得完全失準,竟然給我這個盲毛贏了。哈﹗

游泳

我預科時才學會游泳的。以前曾跟同學去泳池,只會去中池游。有一次,幾位深諳水性的男同學叫我去大池,我跳下水,喝了一口水。

其中一個問我:「你可以游多遠?」

我答:「大槪由這邊游到池的中間(是橫向的游)。

同學馬上笑起來:「浮屍也可以浮到這麼遠的。」

豈有此理﹗

於是我經常去大池練習,終於可以一口氣游到一個直池的長度。

今天才到泳池游泳。唉,多年沒下水,游不到一半,已沒氣要停下來休息了。老了。

如果不算彈床的話,游泳應該是我至今為止最後學會的一種運動了。

***

還有更多運動生涯

廣告

18 responses to “我也寫我的運動生涯(四)

  1. 我除了偶然玩玩保齡球,偶然會全中,其他幾種運動都不懂。真慚愧。

    你要踏單車上班,不會踏到腳軟嗎?不過,沒問題的話,既可以運動,又省車費,一舉兩得。勁!祝你成功!

  2. 朋友, 我搬了家, 有空來坐坐 🙂

  3. 你個系列好像要告一段落了,臨收尾我來湊湊熱鬧吧! ^ ^

    跟你相反,我小時候第一種正式學會的運動是游泳,四式中除了蝶式之外,三式我都會。我游泳總是不夠氣,所以練水時教練就讓我練背泳,曾經在中學的水運會拿過了銀牌,之後就無以為繼…

    小時候也會踏單車,沒有你那麼厲害會玩花式,倒是很喜歡站在單車上衝下坡。預科時我試過跟同學從馬鞍山沿公路到西貢一個來回,回來的時候天黑了,公路上的車都開了燈,在我身邊呼嘯而過,那個同學卻早走遠了,剩我一個,心裡面毛毛的,硬著頭皮一直踏下去。

    小學上體育課時學過棒球和美式足球,我玩棒球比美式足球好。

    中學上體育課時學的是羽毛球、籃球、排球、保齡球、足球、手球。最難忘的算是足球課,因為只有三個女生選了這項,其中兩個每次做完熱身就會坐在場邊,不會下場踢,於是剩下我一個混在一堆男同學中踢球。有一次我把球控到龍門前,那龍門呆了一下,我輕輕一踢就入龍了,他完全忘了要救球,那次樂得我呵呵笑。不過也只此一次,之後男生都不再對我「另眼相看」,我就入不了球。

    大一時必修體育的,選修了體操和田徑,算是接觸過各個項目吧。

    出來工作後,部門同事多是男生,跟他們一起去玩都是以運動為主,這兩年來玩過的有露營、行山、爬石澗、游繩、wakeboarding、划艇、網球、桌球、高爾夫球,還有剛過去的兩個週末在學滑浪風帆。

    我是典型的「周身刀,無張利」。哈哈。

  4. 洛言:

    不是太遠,應該不會太累的。有益身心,又可省錢。

    Dra:

    怪不得有些新文章好像不見了。

    a:

    嘩,原來你也好打得﹗

    大一體育有榛球的,太多人報名,我怕麻煩。

    中學也學過足球,不知為何老師忽然興趣要教女生足球。預科時跟男生去踢足球,但被其中一人踢中小腿,第二天瘀晒﹗

    爬石澗我沒有做過,哥哥是爬石澗愛好者,佢成日怕我跌親,唔肯帶我去。佢係風帆教練,中學時跟他出海,上岸時波鞋不小心被岩石劏開邊﹗

    我也是無張利,哈哈﹗

  5. 保齡球:我就是會把球打下坑的人。。。。(sign)

    康樂棋是見過人家玩,卻未玩過。。。。

    游泳是正式學了,卻只懂自由式,小時還可以一口氣游大池,現在?連condo內的小池也有點吃力。。。(sign)

    妳真的得有運動天賦呀。。。像我這種總不能在一時三刻便上手,我相信有的人在運動方便是有天賦的。

  6. 我一星期打三晚保齡, 真有點似Flintstone的董輝!

    打桌球?美式還可以. 唯天生色弱, 打英式桌球竟分不出紅波與啡波 😦 每次打都鬧出不少笑話.

    所有其他運動, 祇看不做:-P 但對美國各州的101認識, 卻從 NBA, MLB, NFL等開始. 記得有一次你以滿壘來形容Top-post盛況. 心想頗為貼切, 唯祇有美人(美國人)或台灣人會用此以喻. 蓋棒球此運動在香港不大流行 (很多時看baseball, 身邊朋友很多時以為投手是攻方, 問我他點得分!)

  7. 哈哈,你玩果D全部我都有玩。我係不過不失果種,叫做周身刀冇張利果D。

    細個唔係咁中意玩運動,尤其係跑步呀游水呀打波果D。
    一黎覺得果D運動好悶,二黎唔中意比賽,我中意享受運動唔中意被人逼。
    曾經覺得自己冇咩運動細胞,不過後來先發覺原來我中意玩果D同學校果D差好遠。

    結果畢業之後先開始大玩特玩各種運動:排球喇、武術喇、攀岩、獨木舟、風帆、潛水、騎馬….最近買左塊蛇板(幾呀歲人先開始玩滑板呢D野好似有點而那個,不過又好似幾容易上手)同最近密謀緊考滑翔傘個牌(唸起都覺得興奮) :p

    想飛(唔靠引擎果種,覺得唔環保)係細個已經開始有既夢想,間唔中都會夢到自己好似超人咁自由自在係天到飛,夢裏面都可以感受到果種由高空墮下既離心力好刺激。

  8. 噢!見到tintinbright提起棒球,想分享一下以前係日本留學時去睇過佢地既棒球比賽,果種氣氛熱烈到真係筆墨難以形容。

    最特別既係佢地既啦啦隊會幚每一個球員都作一首好好聽既打氣歌/口號,每一個球員出場既時候,啦啦隊係台上就會揮動大旗、指揮同其他啦啦隊員(同fans)會著住好鬼有型既啦啦隊制服,用埋小號同大鼓,帶住全場fans一齊做D好似para para舞既手勢,同唱果個球員既打氣歌/口號。由於全場打氣聲都好一至,唔會此起彼落,所以感覺上現場氣氛熱烈到無倫。

    每次當地球隊贏左佢地就會全場一齊唱果首好好聽既隊歌(直情出埋CD,好聽到我都忍唔住想買,不過竟然賣晒!)然後係果個室內棒球場個天幕裏面放煙花。球隊贏左果個禮拜,集團旗下既百貨公司又會有大減價益街仿。

    我冇係美國住過,唔知美國果邊D棒球隊係咪都係咁架呢?

  9. 「浮屍也可以浮到這麼遠的。」
    哈哈哈!

  10. gwen:

    現在年紀大了,體力沒那麼好了。

    tintinbright:

    哈﹗《聰明笨伯》的董輝﹗這名字久違了。

    我不太懂棒球的,之前去看過,也要勞煩身邊的朋友解釋球例。

    奕:

    你也很好動喎。香港有地方可以玩滑翔傘?我以為最好是去大峽谷玩。我有時夢到高空墮下馬上紥醒的,很驚。

    我去看職業榛球賽時,沒有見過啦啦隊(我只去過兩次),我估多數是校際賽才有啦啦隊。我和同事曾經去捧某隊榛球隊,大家著晒同顏色的衫,舉牌,鬼殺咁嘈。

  11. 臻媽:

    你話呢啲男生係咪欠打呢?

    我其實跟他們很老友的。

  12. >你也很好動喎。

    我其實唔特別好動,只係覺得人天生有手有腳係要黎接觸大自然,唔係單單要黎打波打機睇電視。

    >香港有地方可以玩滑翔傘?我以為最好是去大峽谷玩。


    最近搜集資料發現原來都有好多地方OK,不過唔容易到咁解。

    咩大峽谷有得玩咩?我上次去係裏面周圍揾都唔覺有既。再上網揾揾先,thanks for your info.

    >我有時夢到高空墮下馬上紥醒的,很驚。

    本來我都驚架,後來讀心理學發現原來可以控制夢境,之後我成日都好想再夢到高空墮下,然後控制自己係夢裏面飛囉!

    >鬼殺咁嘈

    咁你有機會要去日本睇下喇,感覺完全唔嘈。不過票價都好似幾貴下 :p

  13. 奕:

    謝謝分享﹗(噢,睇電視不用手腳的。)做記者不簡單,真的要飛天﹗

    我以前有一個學生玩跳傘,後來還搞跳傘婚禮。

    咩大峽谷有得玩咩?我上次去係裏面周圍揾都唔覺有既。再上網揾揾先,thanks for your info.

    哈﹗我隨口說的。不要信。我不知香港有這麼空曠的地方可以玩滑翔傘。

    我以前成日發夢在天上飛,現在很少發這種夢了。

    去睇波點可以唔嘈??你睇啲男人現場睇波睇到爆粗添。

  14. 開始了你的踏單車上班的生活沒有?

    沿路風光如何?習慣嗎?

  15. 洛言:

    天公不造美,未能成行。

  16. >睇電視不用手腳的

    就係side左囉,城市人通常都做couch potato多。

    >去睇波點可以唔嘈??

    當全場都好齊整咁一起打氣,只覺得氣氛熱烈,唔覺嘈。唔同香港睇波果陣d XYZ@#$%^&聲"此起彼落"果種嘈法。

    >啲男人現場睇波睇到爆粗添。

    嘻嘻~你唔記得左你話唔覺得我係男人咩? 😉

    我唔中意"睇波",尤其唔中意去酒吧果D公眾地方,一我唔飲酒,二怕嘈,三怕人多擠逼,四就算依家香港禁煙,最怕D人出去食完煙返入黎一身煙味。

    我"睇波"淨係鍾意睇腳法技巧,不過呢樣野一場波個幾鐘入面通常都冇乜幾多秒(唔值得等),所以我通常都等精華片段算數。如果要睇一隊波既組織,我又覺得欖球好睇過足球好多。所以我就算睇波都唔會爆粗 :p

    >浮屍也可以浮到這麼遠的。

    嘻嘻,終於忍唔住都想講"佢地又真係冇講錯播"呵呵
    唔係游,係池邊蹬一腳都到喇 😉

  17. 你係咪讀理科架?
    個個年紀, 好少女仔會同男仔去游水,除非真係好熟!

  18. 奕:

    哈哈﹗係係係,師奶奕﹗

    不喜歡睇欖球,成堆人攬埋一舊,唔知做乜。

    臻媽:

    係呀,我讀理科架。

    佢地唔當我係女生的。哈哈﹗

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s