剪蔭

我從中學開始,就經常揮剪替自己理髮。因為我一個信念:萬一出錯,最壞的打算就是去理髮店叫師父補鑊。

有了這種想法,我就更膽生毛的大剪一通。別以為我是亂來的,我是買了教人理髮的書自學的。

我用了十多年的髮剪和剃刀

後來剪完自己的頭,就去問同學讓我替她們剪髮。當然只有少數人肯冒險。我就大著膽子去幫人家剪,剪出來的效果不至於大師級,但至少是可以見人的。

現在家中多了一個無條件讓我任剪的人,我開心不已。

剪頭髮最重要的是工具:剪刀。如果想剪有層次的留海,則要花時間逐小撮的剪,但是想省點時間的,可以用剃刀削薄留海,不過有點傷頭髮的表層。切記不要削得太短,否則會豎起的。

上星期實在忍不住額前過長的頭髮了,於是手起剪落,剪了頭蔭,現在額頭和眉毛終於可見天日了。十四鎊也可以省回。

廣告

18 responses to “剪蔭

  1. 我無剪自己咁大膽, 但就會當必必佬佬個頭係實驗品咁剪, 幾年落黎, 而家剪小男孩頭都幾ok 架 🙂

  2. 做阿媽真係周身刀, 唔利磨到利.
    經過六年無間斷用阿仔個頭實驗, 又鉸剪又電鏟, 終於一天, 老公放工第一眼睇見阿仔個頭衝口而出話: 佢個頭剪得好靚喎, 你今日帶佢去飛髮鋪黎呀?

    哇哈哈~ 老公, 你幾時肯比個頭我剪?

  3. 下次你幫我剪啦!

    俾左十四鎊… 而家我頭頂條條頭髮都豎起…

  4. 我剪短髮過來, 留長髮回去, 省回一年理髮錢

  5. 怒火:

    我以前夠膽成個頭剪晒的,近年只是剪蔭而已。男仔頭我反而不會剪。

    馮師奶:

    電鏟我沒用過,我怕鏟光人地個頭。哈﹗

    我老公話寧願花六元去飛髮舖都唔肯畀我剪。哼﹗

    RandomCoil:

    你試吓用gel,gel"行"個頭,扮型囉。

    我有時冇梳頭冇洗頭上班,同事見到話:你今日個頭好型,喺邊度剪架?

    dra:

    我去大陸旅行時也是短髮去的,有咁短剪咁短,洗頭也慳番。

  6. 嘩!好犀利呀!您仲有D乜唔識架?

  7. 落多D gel 咪要用多D洗頭水? No way! 😛

  8. 看來這次我比妳更膽生毛了,我連書都沒有看過,便自己亂來, 老公的頭已經由我揮刀…試過一次跟他去剪髮,個剪髮師還在說,怎麼你個頭剪到咁架,定是前手剪到你咁,老公只有說對對對…沒有揭穿是我剪…哈哈!!我雖然剪得不正中,但個style倒是接受到架!

  9. Red Jelly:

    有,太多,數住一樣先:

    車衣。

    RandomCoil:

    咪落完要洗頭嘅咩?唔使噃,明天起身濕啲水又掂,個頭污糟都冇人知。哈哈﹗

    gwen:

    哈哈哈哈哈哈哈﹗不好意思,笑到唔識覆。

  10. 好驚尖嘅剪整親佢, 因小女剪髮不哭, 但頭身轉動速度甚急…

    只有找專人用倔頭layer剪間中同佢修修, 其間髮長只有用夾….:)

  11. Just Little Something:

    呢把剪刀是剪我的頭髮的,幫小朋友剪時我有另一把鈍頭的,不怕整親小朋友的。我幫佢剪時,通常提按實佢個頭才剪的,尤其是留海部分。

  12. 嘩做什麼那麼像我那撇蔭?

    以前找師傳,他們總就住就住,我說師傳大膽去馬啦,我要見眉呀。

    現在自己剪,每次剪完都給人說像刺猬。

  13. 想問下你會幫亞包剪乜野style? 會唔會剪冬菇頭? 我覺得小女孩十個入面八個剪呢個頭都可愛到爆~ (而家興)

  14. 我都喺自己剪。反正依家出面嗰啲所謂嘅師父們,十個有八個啲手勢分分鐘好唔得過我。我唔求剪到隻雀咁靚,總之企企理理見得下人就得啦。

  15. 你好勁呀!
    我真係唔敢自己剪,剪衰左, 出唔到街!

  16. audreyma:

    你可能剪得太短。

    我以前試過將一頭長髮剪掉,剪成男仔頭,師父也很驚,猛問:夠唔夠短?

    selina:

    佢鍾意留長頭髮,其實冇乜style可言,只可在留海搞搞。你說那種冬菇頭佢至憎的。

    奕:

    男士也自己剪?少見喎。

    臻媽:

    剪錯咗咪戴頂帽出街囉。

  17. 所以我喺C9 😉
    不過又其實我有幾個男朋友都喺咁㗎喎 :p

  18. 奕:

    男仔頭比較難剪。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s