Tag Archives: 卡通片

自娛與娛人

小朋友最近轉死性,忽然翻看幾年前看過的粵語配音卡通片DVD。看完後,又要阿媽重演其中精彩劇情。

這一下,阿媽才發現自己很有模仿天份,而且記得劇中對白。

最令小朋友發笑的是哪一段的劇情呢?

就是多莉跟馬倫一同去悉尼的經歷。

第一段,重演次數最高,高至五分鐘內演五六次,小朋友一樣笑到停不了口。

阿媽扮多莉:「我識講鯨魚話的。」跟著拉長嘴將所有字讀得很不正,「佢個仔……」

阿媽分身扮馬倫:「好啦,你唔好扮嘞,你識鬼講鯨魚話咩,你而家似胃抽筋就真﹗」

多莉繼續拉長嘴:「喂……過嚟啦。」

馬倫:「你睇,條魚畀你嚇到走咗嘞。你咪鬼引佢過嚟呀,佢會食咗我地架。」

多莉:「佢唔食小丑魚架,佢食龍蝦仔架。」

跟住鯨魚將他們兩個一口吞下肚。

還有一段我很鍾意扮的:

多莉和馬倫游去海底深處。

多莉唱:「游水最嘆,游水最叻,游到東,游到西,游到海的深─深─深─處。」

馬倫:「多莉,你唔好唱啦,你嫌我仲唔夠煩呀?」

多莉在黑暗中尖叫:「邊個捉住我隻手?」

馬倫沒好氣地說:「係我。」

多莉:「你係邊個?你係我嘅……良心?」

馬倫:「係呀,我係你嘅良心,你最近幾好嘛?」

本來沒甚反應的阿爸,也忍不住探過頭來問:「你是否在扮Finding Nemo?」

廣告